潤膚膏芝士蛋糕

琴晚學o既係潤膚膏芝士蛋糕,質感ok. 但那法國的玫瑰花就........其實係法國玫瑰之士蛋糕 , 但同學們話似潤膚膏喎 ^v^


第一次玩杏仁膏 , 玩得開心, 雖然唔到好似呀SIR 果朵咁含苞代放,  但好多人都讚整得都唔差, 攪到我好有成功感...哈哈

其實之前都有興趣玩呢種裝飾, 但一黎自己無藝術天份, 二黎覺得好鬼嘥錢, 又貴又唔食得....

但今次玩到咁靚o既花花, 攪到人有行動去買黎玩添

朱古力柚子慕絲

難得全蛋法都咁軟熟.

芒果千層蛋糕

22/12買左4 個芒果, 但到1/1 佢地都仲未熟透 @@

又放米缸又入焗爐又著羽絨都攪佢唔掂 @@

30/12晚見佢有黑點同有d 芒果香味, 以為ok. 點知一開都係未熟透.

已去皮及開左粉漿, 咁咪唯有放入雪櫃第二日再整. 點知...

年尾太多野攪, 攪到1/1 晚先可以整

又夜又攰,但因為d野再唔整就唔要得, 唯有頂硬上.

睇食譜, 跟d唔跟d, 記d 唔記d . 最後可能CREAM 打得唔夠硬,又唔醒起入模幫佢定型又無隔開d芒果汁

咁...個蛋糕"塔" 左 ,想再鋪過,  點知好似越攪越衰...

唔知雪完切時會點呢?

唉...好似好乖咁唔浪費....但求其整咁就不如唔好整 =="