醉豬腳

醉豬腳

呢輪好得閒, 上網周圍睇, 見醉雞翼講到咁易, 而近排又食過醉雞唔夠喉, 咪諗住自己整下囉.

不過攪攪下, 又想食豬腳 D皮爽D ....咁就買左急凍o既 , 點知星期六晚食度好夜, 唯有星期日下午整.

但一d食譜話炆半個鐘 , 一d 話炆2 個鐘.....差咁遠?

最後我煮40分鐘 , 焗45 分鐘 , 再煮15 分鐘....剛上水好淋 (以為煮得過淋, 但雪左4 個鐘後硬番...係爽架 , 係剛剛爽架. 但有d 位就差少少....所以下次都係再煮耐 d 好 d .


酒味當然唔夠啦 , 得3 4 小時, 但唔記得左攞一舊返黎今日食...所以...算吧啦, 唯有下次先算.


睇左好多食譜 , 一d 話要葯材 , 一d 話要加水 , 一d 煮果10 隻雞翼要落成樽酒 ( 成本成50 元 , 咁我寧願買現成).....到最後 ...我亂咁黎 , 糟鹵 + 紹興+ 少少煮豬腳的湯 + 少少水 (2 小時後加) ----試味 ,  要偏鹹... 因為無浸過面 , 所以要得閒轉下豬腳.

味係ok 架...應該差左浸o既時間同臨食前加一d新酒. 咁就VERY GOODS !!!

大少生活事件-2017-03-12

剛剛諗起 琴日o既大少 , 為免轉頭唔記得 , 都係寫低佢穩陣d ....

每星期日 , 我都係先過我媽度幫手 , 大少通常7點到先過去等食飯 ..

琴日我剛到無耐 , 佢就過埋黎 .....原來...原來有位不速之客-蜜蜂先生走左入佢房...咁佢唯有讓間房比蜜蜂先生啦 ....哈哈

佢同我行返屋企再講呢件事時 , 手舞足蹈.B LE BA LA, 可想而知.....佢見蜜蜂先生果刻係幾咁興奮...哈哈

另一件事就係, 我地兩個好多黑色衫  , 佢琴晚無端端同我講

佢 : 你有無見過你上網買比我件nike呀? 唔見左喎! 我搵哂d 櫃桶都無. ( 嘩 !你平時咁HEA  , 你會認得呢件衫 , 又特登搵 , 咁神奇?!)  

我 : 下, 無見過喎 ! 應該係櫃桶度格 (我十年都唔會哂d衫出街) , 可能有賊黎淨係偷你件nike 丫

        係唔係果個櫃度丫

佢 : 你搵下啦 , 我好鍾意件衫架 !!

叮叮叮!! 你講乜話? 你好鍾意件衫 ? ?你講你好鍾意我買比o既生日禮物 ??? 

呵呵 ! 呢d 說話十年都聽唔到一次架 , 佢生日 , 我送比佢時都無達過d 乜架 . 

嘩 ! 聽完果心當堂甜哂, 佢話鍾意喎, 我就已經覺得好心滿意足 , 做乜都值得囉.

嗯 ! 既然佢咁鍾意, 咁我就算幾攰,幾唔想都好(我真係好憎執衫),都即刻幫手搵......

哈哈 ! 到最後發現 , 原來放左係我個櫃果邊 (我唔係特登試佢架...哈哈)



其實好感恩 ,好感謝主 !  我同大少o既關係 , 一直以黎都慢慢咁改進...雖然有時佢都仲係咁, 但比起以前, 真係多左d 表達佢自己. 分享一d 事.... 溝通多左....感謝主 ! 我會努力繼續呢場革命架, 希望我地可以更好更好..加油!!!!

慢慢累積生活O既逸事...我相信好快我就可以重新擁有一本新o既回憶冊...老左可以重覆又重覆咁回味!!! 

雪梨雪耳蓮子百合糖水

咁簡單都要寫?
寫係因為不單止HY讚好, 連我呢個奄尖人都覺得ok. ...哈...我自己對自己o既要求有時都真係幾高, 再加上原本團火熄熄地, 攪到煮乜都HEA住煮 ....但突然整到咁好味....攪到好有滿足感...d 火湧住出黎...哈哈


同一食譜, 食材, 落o係唔同人o既手, 都會煮出唔同o既味道 , 大火...細火...適量糖鹽...煮至淋便可..... 我相信呢d 唔係作者特唔寫份量,而係有時都唔知點寫 (##就好似呢個糖水咁, 好是但 ,不過我都會寫下參考份量 , 等大家心中有概念) , 因為係要靠平時經驗同實際情況 .....大火小火→每個爐o既火力都唔同 , 調味料牌子唔同, 用o既份量都唔同....)
就算我煮左30 年飯 , 我始終都唔叻... 我雖然對煮食有興趣 , 但奈何以前無咁多白老鼠、時間 及金錢去支持我呢個興趣......


不過今年 ,發生左一d 事, 覺得自己係時候要徹底改變 , 有一d念頭o係腦海出現 , 希望自己可以為自己做一d 野... 我已經行出左第一步---獨遊台灣...而家繼續尋找緊跟住o既路線....方向可能都係煮野食...但大致未決定架...不過就呢個雪梨雪耳子白合糖水 , 攪到我好手痕...



講番呢個糖水 , 除左雪梨外 , 其他全部都係屋企有乜就用乜

材料:
雪梨          6個
雪耳        1大個
蓮子        約20粒
南北杏   約20 粒
百合        約20 粒
龍眼肉    約20 粒
冰糖適量 (呢個真係睇情況同嗜甜度 , 我逐少加至夠味)
水 約20 飯碗


除雪耳龍眼肉外 , 其他凍水落, 慢火煮1小時 . 得閒壓下材料 ,
再放雪耳龍眼肉煲20分鐘, 改大火加冰糖試味.試好味後再滾多陣熄火.

以上材料大部份都係目測... 我唔會逐粒數...哈哈
先後次序同做法, 都係我自己o既習慣 , 唔係乜乜大師傅教我架...所以唔好問點解要咁咁咁....我都答唔到你....哈哈

#### 9/6/2017 我又再煲, 但低能地落左紅棗 , 攪到搶哂雪梨味@@ ....完全無哂雪梨味 > <"

終於都實現啦!!- 獨遊台北

今次可以自己一個人遊台北 , 心情超複雜 , 一方面好期待 , 但又擔心第一次獨遊
又擔心家人、又驚一個人好孤獨會亂諗......總知百感交集...

係坐車去機場途中 , 感謝主令我睇到一篇文章 , 主旨係:

不要用別人的愛，來決定自己的價值
只要記得一件事，這世界上，最有資格決定自己價值的，永遠只有自己，不是別人。  

我一睇完之後 , 眼淚不斷流 , 但身心就好似被解放一樣.

我太在意其他人眼光 , 尤其係我愛o既人. 我成日用佢地o既角度出發,有時會攪到自己好攰但又未必能夠滿足到佢地.



講番今次旅遊 , 最失敗O既地方就係  --- 唔用wifi唔緊要 , 又唔帶旅遊書都唔緊要 , 但連行程都唔預先安排.... 哈哈...真係超hea...攪到去左一D 無特別地方或行多左好多冤枉路.....不過正正因為咁 , 我先可以去一D平時唔會去O既地方 , 又真正吸收左教訓, 下次會乖乖地帶本旅遊書或plan 清楚行程先.
不過都會繼續唔用wifi... 哈哈

今次o既獨遊 , 比我發現到 , 我曾經幻想移民到台灣呢個觀念係唔WORK 架. 因為我而家無記性, 行完都唔記得自己行過@@  , 加上我接唔到d 鹵蛋呀、豬肉....放o個櫃度就咁買, 如果話人流多o既都還好 , 但我見有好多都係山卡啦地方@@




DAY 1 - 機場→台北車站→西門町→新北夜市→台北車站→酒店

DAY 2 - 酒店→十份→ 猴硐→瑞芳→九份→紀伊國屋書店→士林夜市→酒店

DAY 3 - 酒店→廸化街→台北車站地下街→ 華山 → ATT-龍貓→ 貨櫃市集→繞河夜市→酒店

DAY 4 - 酒店→ 淡水→ 草泥馬→ 士林夜市→西門町誠品 →酒店

DAY 5 - 酒店→台北車站地下街→東區地下街→度小月→西門町→機場


哈...唔好問點解!!!
路線係好亂、唔順路同好多重覆架....我只有plan 去十份同淡水果兩日O既太約行程 , 而行街O既果幾日, 我只係mark 左邊D點一定要去 , 其他路線就真係自由行架

有空再續~~~