花膠螺頭湯

又返黎啦!

無乜動力打字 , 始終都鍾意寫字多d . 覺得有人味d 

加上屋企係要用Tag 打字 , 仲無心機..

不過見今日o係公司得閒 , 就打番個湯食譜 , 費事下次煲時又搵餐死 ( 因為我三年都唔煲一次湯) 

我個人較鍾意飲葯材湯 , 但又不能太奇怪喎 , 例如果d 黑蚊蚊 、苦個DD , 勁重紅棗味 果D就一D 都唔LIKE  .

今次上網搵左好耐 加上我同事介妱, 就決定試呢個 (其實我媽都有煲開, 但問佢, 佢就亂咁答 , 一黎可能無記性  , 二黎都佢都係叫葯行D 人執 . 但o係元朗 , 我唔就腳) 

花膠螺頭湯

花膠            6 隻

急凍螺頭    5 隻 細

淮山             1 兩

蓮子             約15 粒

黨參             1兩

杞子              約30 粒

圓肉              約20 粒

薑                  少許

多肉豬骨       12兩 ( 應該係豬尾骨果頭掛 , 係豬生介紹, 唔記得問佢點稱呼@@) 

解凍花膠及螺頭 

1.用薑替螺頭及豬骨出水.( 之後留低兩片薑放湯一六煲) 

2.今次D 花膠係鋪頭幫我浸發左 , 所以唔駛出水去腥 ( 但記住兦後都唔好買已浸發)

3.蓮子浸軟去芯

4.淮山黨參浸5-10分鐘過水

5.圓肉及杞子沖幾次水 (不能浸 , 會走哂味) 

先煲 1 , 3 , 4 ( d薑 -我煲了約半小時就掉了) 

一小時後

加 2 . 5 , 因怕花膠太耐會溶鬼哂  , 而圓肉杞子煲約30 分鐘便出哂味 , 所以可慢點落 

我星期六多時間 , 所有大火 , 焗 , 再小火 焗 再大火.......重覆又重覆

個人認為個湯 好正, 我只加 1/8 茶匙鹽 (唔加都好夠味)  , 就係我想搵o既葯材湯味...

因為想佢老d就煲耐左 . 攪到煲埋得7-8 碗到. 為左兩位先生, 我只飲1 碗咋 @@

原本葯房哥哥執左成兩杞子比我 , 但我望住d 杞子覺得---咁鬼多 , 個湯會唔會唔變血海架...

上網四圍搵..個個都話十零粒就夠...咁我比夠三十粒囉,. 都仲有半份剩@@

我諗住唔夠咪最尾再加, 反正杞子焗一陣就得.

好彩有先見知明 , 其實廿零三十粒都真係夠. 出黎個湯已經好好 , 唔駛再加

不過下次會試下煲玉竹先 , 可能仲正😅  ( 下次???? 唔知幾時架)

而家已經諗定要煲章魚湯

唔記得影相  @@

失敗的日式芝士蛋糕

 星期日,

為左消滅舊芝士, 所以咪整番兩個重芝士的日式芝士蛋糕益下我個妹.



唉...好彩係重芝士, 否則又扔得@@

今次用500G整兩個( 比原食譜多兩倍) . 手法都無乜問題, 但焗個part 就出事,


一齊入爐, 左邊圓模上到色, 右邊隋圓一D 都唔上色 ( 相片係焗到臨尾放上上層先上到色)

 而且焗無耐右邊的就開始裂, 為怕佢裂得犀利, 不停開開關關, 換水換水....


仲有, 最大問題就係隔離個雪櫃散唔到熱, 停左一陣.

全程亂亂亂...老實說我都唔知焗左幾耐,見個面實實地, 就出爐.

 點知脫模就見好似未熟.....

無心機再開焗爐 (我真係唔想為左個蛋糕要換雪櫃@@)

就放左圓果個入微波爐.....果然....爆到開花

另一個就由佢放涼入雪櫃.... 呀妹註定無口福 ..hehe


星期一晚, 攞出黎試....因為重芝士關係, 所以圓的係OK架....但隋圓的因為無再焗, 切落去係好散, 好淋.... 只可以講係勉強都叫入到口( 不過呀妹可能食唔出 ...哈哈)


唉.... 唔通真係要搬個焗爐出廳@@

制成品( 有d 都無影相添)-總覽

紐約芝士蛋糕條 及朱古力蛋糕仔

天氣熱都算, 仲要焗到死....如果唔係為左大少, 都咪駛旨意我開壇.

預祝大少生日(因為正日係平日), 想整一啲比佢同教會弟兄姊妹分享, 一直都唔知整乜, 又想咁, 又想咁... 最終因為人唔舒服又熱, 揀兩個簡單又唔易失手O既蛋糕.

為免太高調 ( 驚大少唔鐘意同費事麻煩到人) , 所以切好哂, 當普通西餅咁送比佢. 仲特登叫埋佢表妹攞比佢, 等佢易接受D.

哈哈.... 我又亂改食譜

整o既時候都無乜野, 整完比佢嘆風扇, 因為想佢快d 涼. 我將佢反黎反去.....終於比我整裂左@@

正當想放入雪櫃時, 發現雪櫃唔出風@@
初時以為恆溫...但等左好耐, d野開始出水珠, 佢都無反應

唉....唯有打比妹話攞d野放佢家....點知講多兩句, 佢突然又返生喎.....咁就梗係唔過呀啦(成1點架啦)

再等多半個鐘, 見佢無事就啦啦聲去訓覺.(好彩第二日都無事)


 朋友話, 可能太熱散唔到熱咪會咁... 唉...咁人家無位麻. 焗爐唔放佢隔離, 可以放邊呢@@

用熱刀切蛋糕真係靚D

我見到人地整D 花紋好靚, 又易整咪學人整...點知人地係V 字紋, 我就整到U 紋@@

下次要密D 同慢慢畫.




星期六, 放工就接表妹過黎一齊整蛋糕仔.

整蛋糕仔係驚唔夠分, 加上易整又快, 味道又OK.

D 天氣熱到D 牛油放一陣就開始軟化...唔駛等好耐. 但下次真係要減甜. 我用黑力粉都覺好甜.

 掛住切靚個芝士蛋糕, 唔記得睇下蛋糕仔熟透未就出左爐, 攪到食落有D濕@@

咁簡單o既做法, 我都可以出錯...勁到呢.......


送比大少時佢無乜表情(應該話佢用佢平時o既表情....即係無表情 , 不過都好, 起碼佢無抗拒),好彩姊妹幫手. 後黎得知,姊妹陪佢一齊分蛋糕. 咁個心都好過d

再加上夜晚見到佢時, 佢無唔開心之餘仲話我個蛋糕無平時咁好食.....個心當堂安心哂...

我唔係痴左, 係覺得佢肯咁樣答我, 即係都唔介意我去教會搵佢同我今次o既做法.

P.S.因為搵唔番之前餅底份量, 故用了另一個, 味道正常, 但太多太厚了, 故有D 搶了芝士的味道,同壓得不夠實, 下次要注意!!

正常版日式芝士蛋糕

話說之前整果個日式芝士蛋糕, 硬係覺得有分別.... 終於係今次整時發現.... 我係落左雙倍芝士....唔悝得個味咁濃同口感唔同啦......仲信呀妹, 以為自己失憶==" ( 原來佢先係失憶)

為慶祝有少少BOUNS , 就容許自己買個模 (藉口) ^3^
加上仲有舊芝士, 咪整多次練習下. 點知, 開左壇之後, 發現芝士變左, 有紅色....唉...點算點算... 又唔想落街, 唯有改用芝士片來整, 用第二個食譜再亂用分量.


因為多個D 料, 所以一個橢圓模唔夠裝, 就用多個6 寸模.

兩模都有搽油, 因先入左橢圓模, 隔幾分鐘後才入圓模, 所有兩色有分別. 另可能圓模較少漿, 故中途已裂.
橢蛋模好勁, 個面無裂....但佢係旁邊開口@@ . 唔知係咪搽左油又搽得唔好, 攪到有一邊"cake" 住左, 升一邊唔升一邊.
加上無用到底紙, 攪到蛋糕痴住左....玩左好耐先甩到,仲要攪到個面樣衰哂@@

 今次因為亂咁黎,又隨左成個星期先寫...已經唔係好記得過程.

而味道, 雖然用左6片, 但都係淡D (可能用原味會好DD)

呀妹就當然覺得無上次咁好啦(係人都知啦...上次果隻擺明係濃芝士蛋糕......哈哈)

口感真係接近日式果隻靭.

下次試下唔搽油先

終於都成功o既日式芝士蛋糕

終於都成功o既日式芝士蛋糕, 之都有試過成功, 但只可算係僅僅合格姐.

今次唔同,無爆又熟,味道又OK..



原本無諗住再挑戰佢住, 但呀妹話想食, 仲買埋舊芝士, 咁有人津貼材料錢, 無理由唔整架 ....嘻嘻

今次用了一個師傅的食譜.

做之前不斷反覆睇清楚食譜.

終於唔爆面又食得啦.








我今次真係一步一步小心咁整.過程都叫ok, 跟住學人話連水一齊預熱, 但爐溫都升唔過100 度( 已20 分鐘有多, 之前都試過有水, 好難升). 唔理啦, 唯有照焗...約20 分鐘都上唔到色. 都唔理啦.照繼續焗(因為無得揀).

我好乖咁望住佢成100 分鐘(真係寸步不離架) , 原食譜70 分鐘,但之前次次都唔熟 ,而今次又好似未熟, 故由佢繼續焗.

出爐後, 等一陣脫模.... 點解? 點解果邊有d 位無皮架? 點解好似唔熟果個質感架?

雖然睇落都應該熟, 但人人脫模都好靚仔, 點解我果個脫到咁架? ( 唔關脫模技巧事, 係蛋糕體大濕, 痴住個模) , 定係應該唔好攪佢, 真係等涼透先脫呢?


算...放涼一陣塞入雪櫃.

第二朝試....大鑊...都唔似伊滕x ...唔係呀妹要果隻喎@@

唉, 唔理啦, 都要比佢架啦... 哈...點知佢試過話似喎 . 話係呢個口感喎=="

哈哈...咁我梗相信佢啦... 我一向都無記性架麻


 呢個譜係正,我認為之前失敗主要原因係

打蛋白,
焗溫,
及時間問題.

而脫模問題, 可能係用左個甩底模加底有空隙. 儲存左水氣.

我下次用實底模試下先, 不過要有4 個鐘空閒先可以整

朱古力慕絲蛋糕仔

一朝早訓醒無聊就整個朱古力蛋糕仔，之前整過，ok無問題。見有忌廉，咪學人整topping,點知搵著個奇怪食譜，佢應該事旦寫出黎，而我又跟喎@@

個topping一加忌廉就開始硬，效果又超級甜。過後先醒起，我自己都識整，根本就唔係咁整，做乜走去跟人呢@@

而實驗證明，呢個蛋糕仔係唔可以雪，因為太多牛油，凍食係硬身嘅。

呢個超失敗，唯有送比大口仔。
（無計，超甜同硬）

蜂蜜蛋糕

其實呢！我係好似未食過嘅，但某人話想食，就買左蜂蜜返黎。趁假期咪整下。

可能個模細，攪到十分滿。焗嘅時間長左。臨尾仲爆面@@

出黎效果真係煙靭啲。但口感比較乾啲啲，可能耐左啲。但ok嘅。不過無比某人食。

大少又唔幫手試，唉！整咁多又要自己食。有時會諗，不如放棄，都無人欣賞。

豹紋瑞士卷

原本好有心機整, 一齊都好順利, 但一到玩豹紋就出事,唔記得預備o即袋, 又第一次整, 驚消泡, 攪到好心急咁o即o即o即, 攪d 紋超大個....

o即到臨尾先發現個焗爐已停左好耐...溫度跌番140-150度@@....唉...再等又驚...唯有放入去一路焗住先....唔知攪乜...又唔升番上170度, 又唔上色...又有一邊矮左...攪到我開黎開去...攪攪攪.....到30 分鐘是, 見佢上到色, 又好似好熟...咪出爐...

用牛油紙放面都無痴架....好地地架....去個惠康返黎卷啦, 一卷就出事, d紋與蛋糕身有少少分離, 又裂, 又甩皮, 一見到灰爆....即刻無哂心機...卷到d cream 都漏哂出黎


最衰預熱唔夠
最衰成日開爐門
最衰卷前唔摸下個面
最衰無倒扣( 唔知關唔關事呢==")
最衰焗唔夠( 低溫又成日開門就梗係要耐D 啦)
最衰未放涼夠就包(仲濕掛)




天氣太熱( 熄左冷氣) .搽左一陣cream , 開始溶溶地.一卷就@@..., 當堂矛哂心機


 試食過, 口感都ok, 係軟熟架. 仲要好似比之前少左毛孔 .... 但就係見到甩皮好唔開心...

朱古力戚風蛋糕>>>>>變身

近期呢 , 隻手真係好痕...
日日都想搵野玩
但整都唔係一個問題, 最大問題係邊得黎咁多白老鼠@@
無白老鼠...咁整完一係就入自己口...一係就入大口仔個口...唉...都係忍忍手整少D


琴晚諗住整多次戚風另再加個GANACHE淋面. 簡單得黎又有老鼠食(D 老鼠都好鬼閹尖)

無6寸戚風模, 就改用普通模
個戚風都做得唔錯, 中間都無乜甩漏...
但可能預熱得太耐又可能多左半隻蛋...焗唔夠10 分鐘, 頂部邊就開始爆@@( 個面果條唔係爆出黎, 係我倒扣時整出黎)

唉...仲諗緊界唔界面...界鬼咩!! 一見到爆左都無心機
跟住就由佢自己發展...最尾爆到成pat XX 咁...

因為無心機, 所以焗焗下唔記得左焗左幾耐=="

加上自己改左140 度 , 諗住爆少D 麻.
 所以到最後要用原始方法, 按面測.
我真係按左幾次,覺得OK 都再焗多一陣先出爐, 但唔知係咪心急, 係仲暖時切, 個面有部份好濕, 但另一面又無濕喎...究竟係濕氣聚左係面(有倒扣)..

哈...之後手痕就咁塞番入焗爐再焗多陣...點知攪到D 邊位好乾....呢D 咪叫無野搵野黎做

口感OK.( 食左無濕位D 面) . 就咁睇無乜氣泡.今次用新方法脫模.又真係work , 真係靚好多喎

因為攪耐左 , 所以都係今晚先再切半加 GANACHE..


加左GANACHE, 不過一路講電話一路攪, 攪得太興奮, 攪到有泡添!!唔知點解,溝完出黎放左一陣都係好稀咁, 淋完好似好薄咁 ( 可能蛋糕比我切斜左 , 漏哂一邊@@)
最後我放入冰箱雪一陣再淋過, 不過睇落都好似好少.

25/5 地左半個比妹 , OK 喎, 原來都唔薄, 但有泡泡, 攪到唔靚仔同好似無咁滑.

呀妹話個面唔夠甜 , 但我同白老鼠都覺得夠哂, 仲可以再苦d (可能鍾意食黑力 )

今次用普通朱古力整, 雖然出黎都唔差, 但始終唔覺差dd , 下次整要用靚D 香D 架先.

蛋糕橫切左一半 , 搽左少少 GANACHE (覺得無咁DRY )   ,好彩無好似個頂咁濕笠笠(不過感覺到有近面果邊唔夠乾. 口感味道都OK喎.

白老鼠同大少都話OK好食.

(白老鼠可能怕左我呢輪o既陰晴不定, 唔敢亂講野...哈哈)

瑞士卷

好開心, 好感恩!

近排比我妹感染 ,加上有隻白老鼠幫手,所以又開始玩番烘焙.

星期初 已好想挑戰唔甩皮又軟熟o既端士卷, 但因欠忌廉 , 所以等到星期六先開工.

端士卷難度: 1. 唔甩皮 2. 無卷爛  3. 外型  4. 口感

一開始就失手, 將d 油煮得太熱仲有油味....溝完出黎變泥膠(上次棉花蛋糕又係咁@@, 但因油無今次咁熱, 無油味, 不過黃王熟左d )...諗諗下都係重新再整過...我唔可以失敗...如果失敗, 我相信我無心機再整...

 原本都擔心焗成三十幾分鐘咪好熟? 會唔會乾?但有一邊仲好似未得, 故最後我焗左差不多40分鐘.

好小心咁同佢反轉.....哈哈...真係唔甩皮...成塊訓落牛油紙度都唔甩...勁開心...過關

由於好鬼肚餓 (由朝玩蛋糕到晚) , 所以由佢放係度放涼成個鐘後先開始卷( 面向上, 兩邊用牛油紙蓋好)

打好忌廉(打到9成)  , 亂咁搽 , 因為唔識用面卷 , 今次就咁用手...呵呵...無卷爛又卷到喎( 當然唔算靚啦, 見下人囉) ...又過關

雪左一個鐘.. 諗住切黎睇下時太少出黎... 比舊佢試....呵呵...佢話好食喎...雖然佢話最好食係cream ...但佢唔批評或沉默...已經係證明ok.可見人...

我自己試...真係唔係讚自己... 但真係好正, 口感好軟熟. craem 味剛剛好, 唔太甜唔太多.(原本搽得多d, 但卷時已溜左好多出黎@@)

勁...呢個食譜一定要KEEP 好, 一定要再整... 下次再用牛油同其他旦... 睇下會唔會仲正( 今次蛋糕味唔突出 , 味似清蛋糕)


總知, 呢個係我近期最滿意作品...好開心 !!! ( 但成白老鼠唔太LIKE, 因為佢鍾意較傳統果d 石頭包, 石頭蛋糕 ==")