TO DO LIST

滿腦子都係美食, 連減緊肥都要走去遊人地D 美食BLOG.

每次一想整果樣, 就買買買.... 樣樣都用少少 , 好多時又諗唔到再有乜可整或果刻無心機再整其他 , 放下放下就過期 , 攪到好鬼嘥 ,趁而家得閒, 寫低個表, 一黎等自己記得想整乜, 二黎可睇下有無其他菜色都可用

不過整完要搵白老鼠又係一個難題 @@

椰皇燉奶
北海道牛奶布甸
朱古力慕絲 & cup cake
芝麻糊
芒果布甸
分蹄
手撕雞
朱古力奶布甸
彩虹啫喱
凍豬手粒
戚風蛋糕
芒果糯米糍
涼泮魷魚
炆鮑魚
芒果椰汁冰
龍眼冰

釀雞翼

日學人玩釀雞翼 , 因兩個人, 所以買5 隻全翼玩下算LU. 而最方便就係釀墨魚膠, 一黎易釀入, 二黎唔駛買咁多不同材料, 最怕一款餸要食幾日..

嗯.... 都係就咁分開食會正d,或者焗同炸會好d, 釀完食入口好似食成舊肉咁, 大少都唔欣賞 , 下次唔玩lu.

淨番d 雞鎚 , 用蒜蓉薑蓉醃左就咁蒸.唉...偏淡

唔知點解 , 而家煮野d 技術好似差好多. 以前隨手落調味都ok. 但而家硬係唔知點咁, 仲要好多時失手.

朱古力蛋糕杯

終於都等到放假而又鬆自己私人時間啦, 之前見到BLOG 友整D CUP CAKE 好靚 (TOPPING 唔係糖膏) , 攪到心思思一宜想整, 但因為個人仲攰到死 , 又比 元朗新開的759 吸引, 故只做左蛋糕 , 無做個TOPPING.


其實成朝都係度諗.....牛油味 ?朱古力味? 兩款都整? ......哈 !  最後打電話求救家姐幫我揀...最終....朱古力戰勝左 ....

今次用仙姐食譜 ,味道好正喔, 仲有D 似 布朗尼個feel, 唔知關唔關我裝得太滿而佢可能係未熟透呢....此食譜我做左8 個好似蛋撻咁大的.. 倒約7至8分....但出黎我覺得太高了, 如我要做 TOPPING 應要矮D , 下次應倒5 分滿. 食譜話焗約20 分鐘, 但我爐溫唔準, 同可能太多面糊, 故焗左約23 分鐘, 內裡質感較濕潤 .

但唔知點解 , 近排整呢幾次, 牛油同蛋都有油脂分離的情況. 

同家姐去元朗759 ....點知....好似就打大風咁....好多貨品都無哂, 又多人.....原本想買芝士年糕....但實在太多人啦....放棄

桂花糕

試過醎嘅桂花糕未？囧rz
上星期去某某烘焙店買佢自制嘅糖桂花，因答應左野獸要整比佢食。咁咪喺同佢食飯前一晚咪整啦…好彩我整前試下啲桂花，如果唔係就失禮死人。
一試，咸嘅？係咁嘅味架咩？壞左？唉…所有野都準備好，點算呢？
可以點？唯有放棄囉…
成晚唔高興，瞓唔著，第二朝一早起身，仆落元朗再買過，咁既然落開去，咪睇佢肯唔肯換比我，反正都係元朗（平時我懶得換，不過呢輪慳家左）。店員開頭吚吚哦哦...仲話桂花係醎架喎(╯з╰)我咪攞我新買果樽比佢試，佢都仲話係醎架，差唔多啦...@_@我最怕同人嘈，仲要係為果30大元，咁諗住算啦…點知佢又話換比我囧rz。心諗，咁你就咪鬼哦啦…我趕時間架。

因約左食tea.咪唯有9秒9整好。原本想比有型狀嘅。但糕未硬哂

。又怕行街撞爛哂，唯有成盒上。好彩佢話好味^_^（仲叫下次再整，好少何架）咁就無浪費我一番心機

日式棉花蛋糕

勁勁勁，今次唔讚自己都唔得。夠細心，夠耐性。其實原本係失敗架，啲奶太熱，攪到變左面糰，但唔死心，再整過過面糊，仲要細心咁一出爐就撕左底紙，當堂good good good!面啲紋係因為我一出爐就粗暴地抽佢出黎。所以樣衰左(╯з╰)，下次大火啲，睇下會唔會個皮厚啲。香啲先。

有乜辦法唔肥丫

話說星期六, 熱到隻DOG DOG 咁, 攪到我連西貢都唔去 ,咁返屋企一條友, 有乜好做? 咪又整野食囉 ^V^

先黎一個砵仔糕 , 再黎就係冒牌 X 仔雞翼尖 , 途中仲要加插個柞菜腎片, 整完仲想整其他 , 但怕飽死D 白老鼠 ,唯有下次再黎 ...哈哈....


砵仔糕跟左獨大師的食譜, 但因為費事特登買馬蹄粉, 所有MIX 左翠大師的食譜........嘩!迷你版都好D , 但正常版就因為個鑊有太多倒汗水, 攪到糕心積水 ,樣衰到爆@@

蒸完好鬼淋 , 以為失敗 , 但放涼後又OK. 只係唔甜及可再實D.


再黎雞翼尖 , 真係好似架, 但可能太多水, 攪到蒜味淡D...
唉....有隻白老鼠係度攪攪震, 人家第二日攞去比班白老鼠..咁某鼠煮緊飯, 我咪費事入廚房,咁請佢幫忙煲番熱D雞翼尖啦, 開個火,熄過火咁就ok 啦....好簡單姐.
點知開飯時,我問老鼠們意見, 呢隻鼠仲要扮神秘咁話味唔同, 我咪問下點解味唔同, 一黎佢之前又無食過我整o既, 二黎佢又唔嗜x仔雞翼尖, 咁點解會話唔同呢?...佢吱吱左左 咁,唔想答我. 我問多幾次..佢先講..原來佢走去學尾姐加雞汁\O/
頂, 咁我學黎做乜....不如白灼比你加雞汁啦!! 心情超down.
 老實講 , 我係好唔鍾意人地亂咁攪我d制成品...你食左覺得唔好味, 我接受批評, 我接受改善 , 但你試都未試就改我d野..... 咁我就真係接受唔到囉 ,但我又唔鬧得喎, 怪就怪自己太信人  @@

下次我唔會再比隻白老鼠得呈架!!!!!!!!!

而榨菜腎片, 始終都鍾意食辣味多, 同下次煮30分鐘, 焗半個鐘可能會淋d, 我白痴地攞舊細o既黎試, 口感ok, 但又唔得有幾舊係大, 未淋得哂架, 攪到有d 好爽口@@



跟住...到星期日, 呀仔唔理我, 我咪又玩下蛋糕仔......O....NO! 油脂分離????
唉! 跟進就無心焗LU.雖然成品都好鬆 , 但硬係覺得唔掂當!


不過話時話.....我條腰又粗左......再咁整落去都唔係辦法架喎!!!

但......但人家唯一娛樂就係整野食喎......點算呢?

芒果椰汁西米露

大少點名要食, 無得唔整  ^_^ , 今次大小西米兩溝, 都OK, D 芒果唔甜 .而下次D糖水要再甜D , 咁就無咁稀.加上都係有花奶正好多.

 唉!  星期日比爸爸捉住打馬吊, 攪到又多左好多材料, 唔知D 煮左o既西米, 可以放幾耐呢?

P.S.成日咁食法, 想瘦都難啦 @_@

沙薑雞腳

見到雀后d 雞腳,又心思思走到整, 食譜是亂黎的, 味道都ok. 但口感唔岩我, 我鍾意爽, 但今次煮了3 個字焗3個字,又再煮又再焗,,,,,,跟住仲午睡左1個鐘 ^v^,  太淋啦, 無牙都食到 @@ , 下次試下煮10 分鐘再焗就算

泰式椰汁西米糕

見到人地整 , 自己就流哂口水.

通常我都會等星期六或日整, 咁就可以同家人一齊分享,

但每次整親, 都一定有D 阻滯 , 成日都攞唔到比佢地, 攪到我同呀仔要自己食鬼哂佢@@ , 再唔係就送到大口仔度@@

今次整泰式椰汁西米糕 , 以前唔就腳 , 成日買唔到斑蘭葉, 而家係荃灣做野, 星期六呀仔又唔理我, 咁就一於試下, 哈 ! 當中又錯漏百出. 摺盒好有心機架, 但睇d唔睇d, 攪到唔係四方型, 平時都整開西米架啦, 無啦啦又學人地d新方法, 攪到仲衰, 唉! 一衰左就無黎心機, 又唔琼乾d 水, 攪到淋左。

到椰汁果part , 好鬼香, 好正, 倒開頭果幾個都叫ok , 平滑的, 但椰汁開涷, 開始琼, 一倒茖去就唔平, 好樣衰, 唔通要溝多d水(但我唔鍾意太淡椰汁味)

唉!

而家好慳咁, 整親d乜野, 都會諗下有無辦法用盡d材料佢, 無謂浪費 (呵呵! 有進步)

又黎燉蛋

通常我整野食，都會先整比自己，試過無問題先出街，費事累人麻^(oo)^，今日大少係度，佢又心情靚，肯賞面做白老鼠，咪整過燉蛋比佢嘆下，今次吸取左上次經驗，成品簡直係出得大場面，連十次有九次都答ok啦嘅大少都讚好，問佢有乜要改進，佢竟然答:下次大碗啲！呵呵…好少何，簡直係好似太陽由西邊升起咁難*^O^*

不過太少臨訓時又發作ToT......唉！無氣！

講番燉蛋。唔知係我碗厚定大碗啲。要蒸10分鐘再焗7分鐘到先熟。下次焗少2至3分鐘試下先，可能再滑啲，下次好快咋......星期日就整比爸爸白老鼠=皿=，到時主題係又又黎燉蛋lu

芝麻糊

死低能, 死白痴~~~

我發覺我做野以前至而家都係咁，成日三分鐘熱度，做野一半半，有挫折就放棄...

好啦，又浪費左d野啦，,又香又滑o既芝麻糊，咁就比你倒鬼左....

事緣係買左部新機，咁又想整下芝麻糊，咁星期日又得閒 ，咪攪攪攪(攪到成手都係)，點知攪攪下, 部機一陣味, 又停鬼埋@@....喂! 我差少少咋，攪多次再攪埋米漿就得架啦....

唉! 就係咁，得番d 芝麻水，咁諗住煲左d 芝麻水, 試左味 , 好食就攞部舊機出黎打埋d米漿，點知唔滾由自可, 一滾就出事，發覺有好多好似脂分離咁 , 好多沉殿物(唔係芝麻粒)....點解會咁架??? 唔知乜黎，怕家人食左出事，咁留左一碗比自己(因為味係唔差架, 食死都係自己受姐) , 其他倒鬼哂

 唉唉!! 心情已跌落谷底，連d 渣都唔記得留番@@

琴日一路反思，叮! 既然都唔要，點解我試下用粟粉做下實驗呢?


返到屋企試，原來係work 架，仲要好香好滑@@  唉唉唉!!!只要我試多步，就唔駛浪費啦! 仲好成功添!!!

我要改變，我要改變，我要改變!!!!!!!

唉! 又要整過

話說上星期六好興奮咁買好多野, 諗住整手撕雞, 蒜泥白肉 , 燉蛋. 諗住買定醃定等到星期日可


以比家人享用。點知 , 家人寧愛馬吊, 不愛美食( 美...食?   = =" ) , 係都要我陪打. 結果全部改到


星期一得我同呀仔兩個食(無再整燉蛋) , 好彩,味道都還OK. 但食淨好多, 攪到我要帶半隻雞返


工食.(再唔帶就要倒左佢架啦)


為左試佢原本o既味道, 我決定不久o既將來要再整多次 . ^ ^

冰糖燉蛋

終於都等到星期六，自由時間...今日任務～手撕雞，蒜泥白肉再加呢個冰糖燉蛋。嘻嘻！白老鼠們，呢個實驗成功，聽日你地走唔甩啦！!！

小提示:  原用鋁質大盤蓋上面 (諗住一碗就費事浪費錫紙), 但燉左15 分鐘都係水汪汪 , 即刻改用錫紙 , 燉多8 分鐘再焗10 分鐘 , 全熟了 . 成品都可以出到普通滑 , 但我諗如果無之前o既阻滯 , 呢個食譜應可整出好滑o既燉蛋. 下次唔偷懶囉

近期

 

又黎過

其實 一直都好想再開BLOG 記錄一下 , 費事成日無記性唔記得D 野, 但又一直都好鬼懶 , 好鬼情緒化 , 乜野都係睇果刻心情而定 , 好似而家成屋整餅材料 , 但就因為無心情, 所以放到過期都尤得佢. , 好彩 , 近期我發現我無再咁痴 , 無再增加不必須o既野lu. 我會繼續keep 住架啦


新年後, 我日日返工都有時間hea , hea hea 下, 忽然諗 , 不如攪番個給老人痴呆的我記錄啦.
再加上近日又想再煮下飯仔. 所以....我又黎過...哈哈.