日式芝士蛋糕

琴晚:
呢個菇呢...其實係日式芝士蛋糕黎架....
始終打蛋白o既技巧都仲未ok. 都唔知係我求其定乜野....打打下好快變左8分@@
攪到佢又升升升....焗到35 分鐘到就出現分裂LU
 今次用125 度(食譜135度, 但爐溫上唔到, 較高d又驚過籠, 焗90分鐘), 焗左約100分鐘,跟住見面係硬了, 有彈性, 但又好驚. 咁就取走水盤, 再焗多陣( 我真係好鬼求其...哈哈)
焗好都成10點半, 等一陣就脫模, 點知.....點解入面仲有"沙沙聲"....又唔熟???但個糕型比以前實好多架啦喎!!!

蜀一燒

我真係食唔停口....哈哈.咪駛旨意減到肥

經過後復活節同旅行o既洗禮, 我o既食量由可加可減變成不能減只能多

 食完早餐無耐又想食,上網遊下遊下又想食....總知不斷食不斷食.....

星期五約左一個朋友出來食飯加派手信,  乜都想食o既我最後約左佐敦等,因我係知道自己好想食d 香口野, 但又唔知點揀, 最後求其入左----蜀燒

一入到去, 聞到好香, 個肚就不斷叫叫叫...


兩條友亂咁叫, 越叫越多....(影漏左金菇牛肉)
唔知係我地叫得太過份, 攪到4人枱都放滿(其實張枱都唔大), 定係我地叫過4人份個價 , 所以老闆無安排人黎搭枱, 寧願開街邊枱比佢地坐@@

 




整體上係好食架, 但同平時係街度食o既串燒味道差不多,

加上又唔係好抵o既情況下, 佢入唔到ENCORE 之列囉

心太軟

琴日係公司無野做,遊下遊下, 見到人地果D鬼死咁靚, 咪又走去整下囉.

不過一要整就又開始病發---選擇困難症 + 求鬼其------即係又要好食但又唔好太煩囉


最終係三心兩意之下, 又亂咁改左人地D食譜, 好彩出黎效果唔差

除左下次要再減糖同因雪過要再焗耐D 外, 其他都OK. 大少都話OK.

而家放左三個係雪櫃, 睇下隔晚整效果會點呢?




實驗証明: 我兩晚後再焗 , 結果係無分別, 都好味