紐約芝士蛋糕

又係我最愛o既cake(因為好眼訓,懶得整靚佢先影), 我鍾情於佢o既入口即溶 ,濃濃o既芝士味, 但可惜到而家都仲未整到好滑o既感覺.

印象中, 我係食過質感似雪糕但較硬又好滑o既芝士蛋糕 .

有人話, 想食, 咪比錢買囉 , 又要整又要洗, 整得唔好又要整過, 價錢咪差唔多.......

 我明我明....但我唔係想食咁簡單麻

我其實唔係話好鍾意食甜品, 我好少特登去買甜品比自己食, 但我鍾意見到制成品果種感覺, 做得好, 好開心, 好興奮; 做得唔好, 好嬲好失望(嬲係因為我成日求其做, 嬲自己唔認真)


亦都鍾意將自己o既制成品分享比其他人o既感覺 , 我唔係需要讚(咁讚下當然更好啦 ^V^) , 係鍾意分享 , 鍾意大家食得開心幸福o既感覺, 但可惜身可以分享o既人唔多. 家人已習慣及唔太鍾意食西式甜品 , 而僅有o既幾位朋友大家都要返工有自己家庭 , 居住o既地方較遠, 加上我又要返工又要照顧大少, 唔可以話整就整 , 所以好難可以將我o既甜品"發揚光大" ....@@

曾經有個夢 , 開一間cafe,最好可以望到海 ,播住d 過時o既音樂 , 生意唔駛多,  夠支出夠生活便可, 我可以做自己鍾意o既食物 , 過一d單o既 , 自由自在o既生活 , 唔駛明爭暗鬥, 唔駛遺背良心, 客人黎到, 鍾意o既可以同我傾偈 , 又或點聽自己鍾意o既歌 、寫低一d想寫低o既事、分享一d唔可以同人分享o既秘密.....但唔淮玩電話同IPAD....係呢間CAFE , 只可以過最簡單o既生活


呢個係一夢, 係唔會實現到o既夢...... 以前無負擔 , 可以不顧後果 , 最多重頭黎過...但而家人大了, 又要照顧大少 , 又要顧父母, 租金仲貴死....所以除非中六合彩啦( 小姐....你一年都唔買一次架喎?! @@)