失敗的日式芝士蛋糕

 星期日,

為左消滅舊芝士, 所以咪整番兩個重芝士的日式芝士蛋糕益下我個妹.



唉...好彩係重芝士, 否則又扔得@@

今次用500G整兩個( 比原食譜多兩倍) . 手法都無乜問題, 但焗個part 就出事,


一齊入爐, 左邊圓模上到色, 右邊隋圓一D 都唔上色 ( 相片係焗到臨尾放上上層先上到色)

 而且焗無耐右邊的就開始裂, 為怕佢裂得犀利, 不停開開關關, 換水換水....


仲有, 最大問題就係隔離個雪櫃散唔到熱, 停左一陣.

全程亂亂亂...老實說我都唔知焗左幾耐,見個面實實地, 就出爐.

 點知脫模就見好似未熟.....

無心機再開焗爐 (我真係唔想為左個蛋糕要換雪櫃@@)

就放左圓果個入微波爐.....果然....爆到開花

另一個就由佢放涼入雪櫃.... 呀妹註定無口福 ..hehe


星期一晚, 攞出黎試....因為重芝士關係, 所以圓的係OK架....但隋圓的因為無再焗, 切落去係好散, 好淋.... 只可以講係勉強都叫入到口( 不過呀妹可能食唔出 ...哈哈)


唉.... 唔通真係要搬個焗爐出廳@@