豹紋瑞士卷

原本好有心機整, 一齊都好順利, 但一到玩豹紋就出事,唔記得預備o即袋, 又第一次整, 驚消泡, 攪到好心急咁o即o即o即, 攪d 紋超大個....

o即到臨尾先發現個焗爐已停左好耐...溫度跌番140-150度@@....唉...再等又驚...唯有放入去一路焗住先....唔知攪乜...又唔升番上170度, 又唔上色...又有一邊矮左...攪到我開黎開去...攪攪攪.....到30 分鐘是, 見佢上到色, 又好似好熟...咪出爐...

用牛油紙放面都無痴架....好地地架....去個惠康返黎卷啦, 一卷就出事, d紋與蛋糕身有少少分離, 又裂, 又甩皮, 一見到灰爆....即刻無哂心機...卷到d cream 都漏哂出黎


最衰預熱唔夠
最衰成日開爐門
最衰卷前唔摸下個面
最衰無倒扣( 唔知關唔關事呢==")
最衰焗唔夠( 低溫又成日開門就梗係要耐D 啦)
最衰未放涼夠就包(仲濕掛)




天氣太熱( 熄左冷氣) .搽左一陣cream , 開始溶溶地.一卷就@@..., 當堂矛哂心機


 試食過, 口感都ok, 係軟熟架. 仲要好似比之前少左毛孔 .... 但就係見到甩皮好唔開心...