13/4/2022

 

13/4/2022

 

琴日發生左一D 理的事 , 好嬲 , 好想指責佢,又知道佢花紅比我多 ,  令我好想話比人知佢虛偽果一面,但我無做, 我只講左佢錯果部份

 

而且而家只得自己一個, 無人聽我訴苦 , 內心真係好難受 , 好唔開心

 

直到今朝, 終於都的起心肝,望下星期五受難節的資料

(琴晚神有提醒, 但唔開心, 一直打機麻目自己)

 

第一言就提醒我 , 神赦免我的罪 , 我都應寬恕傷害我的人

 

之後, 又有一段 , 耶穌都經歷過無人明白, 被人遺棄, 耶穌亦有向神訴說自己的傷痛

 

今朝睇完後,我禱告 :

 

係神特登話我知嗎? 係神想開解我嗎? 我覺得係. 我知道係

 

我其實我知道神一直看顧我 , 我睇落有好多不幸, 但不幸之中, 我有好多好幸

 

但我往往專注不幸 . 覺得好痛苦 , 事車真係好痛苦,痛苦到根本嘗唔到果D甜

 

我知我唔應該只專注不幸, 但我真係控制唔到 , 連想搵個人講下都無 , 想問意見又無得問 , 想人教下又無

 

我只諗到我生存為左家人(但可能佢地都唔需要我),我諗唔到我生存對自己黎講, 有乜意義

 

 

講真, 我唔想再浪費時間去唔開心 , 我嘗試過行出黎 , 去約墨魚網 仲諗住跟唔網友去釣, 又整蛋糕, 麵包 , 米線 ,陪家人行山, 煮野比佢地食, 又試去搵舊朋友 ….. 目的係想改變自己…… 但好似唔係好成功, 我仍然係我….

 

不過我知我係有進步 , 我知我同以前係唔同左, 只係進步得慢少少

 

其實好多時, 我係執著無伴侶/ 朋友, 因為我覺得得自己一個

係好慘 , 呀仔係唔會同我講心事, 佢太理性, 加上我都唔會同佢講

 

而我亦有諗過, 就算有, 係咪真係好呢?夾到咩?要用時間溝通架喎….

我知係未必夾到, 尤其係我個性格,有時鍾意靜, 又唔鍾意人管 , 又固執…

 

我知, 我知…. 但我都係想試下

 

但真係好感謝主 , 感覺真係好真實, 今朝我禱告完到而家11:00am,我內心真係少左果種仇恨心, 憤怒…內心變得安靜,只剩低感謝耶穌同對自己悲傷難過的心情