挑戰N 次牛仔骨
好少煮牛仔骨 , 因為大少唔鍾意有骨 , 買牛仔骨咁不如買牛扒..
加上10次有次都靭, 所以少煮為妙.
而今次有牛仔骨出現, 係因為之前疫情 , 人人都搶食物嘅時候 , 我又係網上”搶”埋一份 , 見到乜都買下, 買下買下, 我應該可以煮最少20 餐
之前整麵包時, 領悟到要好食就必須付出代價……肥 + 健康 ( 咁當然係睇情況啦)
成日減鹽減糖減油….. 根本就好難煮到原有果種味(咁不如齋煎白灼)
所以呢輪都用多番D調味料 , 而呢個牛仔骨 , 早一晚放雪櫃解凍 , 放工返去就揼揼揼… 用韓醬+ 黑椒汁(係隨意, 約2湯匙+1湯匙) 撈撈撈..,. 加生粉撈撈撈….. 等20 分鐘, 肉已回溫 , 大火煎一陣就炒炒炒 , 乜都無再落… 就咁煮到熟
嘩! 出黎好味喎 , 有DDDD 咁多靭( 其實唔可以用”靭” 黎形容,口感係OK, 但比平時牛肉靭一D , 同唔會好似落左鬆肉粉果D 咁囉
下次影相先
沒有留言:
張貼留言