紅豆燒餅

個電話唔知做乜鬼, 間唔中就影到模查查

除左電話, 連蛋糕麵包甜品都唔鍾意我.... 呢輪真係豬屎不順

自己整紅豆餡 , 用飯煲整, 唔難,只需時間.... 煮好後, 用磨蒜頭機磨(唔幼細) , 再用鑊加黃砂糖炒, 炒到見無乜水就OK.

之後整糯米皮, 原想加澄面/ 木薯粉 , 但都係唔好亂黎 , 十個食譜有九個都只有糯米粉, 咁今次就乖D 跟足食譜, 用朱sir食譜,

糯米皮無問題 , 但唔知係咪睇錯份量. 好似食紅豆咁, D 皮太少 , 25G皮包25G餡.

D 餡呢? 原意係健康D , 咁就少油少糖(其實我覺得我已經左好多糖@@) , 未包時係有濕度, 可滾圓待包, 但煮熱左就散散地, 唔似街果D, 試味時都有少少甜, 但煮出黎係唔甜(本身個皮都有糖) ...唉.... 想食甜品都係唔可以諗健康@@

再不斷睇人地D 譜, 有D話加粟粉, 有D話多D油 , 但有D連油都唔落....

呀妹話我專做D 麻煩又唔易成功嘅野, 但我又覺得專做D容易, 樣樣買現成, 咁好似唔係我想要嘅野.... 不過間唔時都要玩D容易D ...... 因為我呢輪都好挫敗

以前整野食方面未試過咁灰, 

係技術問題? 心態問題? 難度問題? 自我要求問題?